Candy corner♥Candy Jar 選擇篇

1209♥婚禮終於完結了. 好似發左場夢一樣!

婚禮中有好多大小事情好想與各位B2B分享呢

今次我會先講下在整個婚禮中我最重視既candy corner♥

工欲善其事，必先利其器

Candy corner

既主角之一, 當然係Candy Jar 啦!

不過市面上既Candy jar 真係少之又少

所以我好早之前就已經留意各大大小小樽仔

where to buy candy jar?

以下呢幾個地方都有機會搵到靚靚candy jar:

1. 價真餞 – 買朱古力送樽?咁抵? 不過係膠樽咋, 有blogger 報料話喺價真餞見到, 百幾蚊仲有2個tim~

2. 深圳筍崗 – 又係blogger 們報料, 聽聞有RMB 35既candy jar 賣, 不過拎住咁重既樽(上得去一定唔止買一個架啦)走來走去真係廢時又失事呢

3. 旺角花墟花地園藝 – 呢個地方比較少人提到, 其實有好多candy jar (玻璃樽) 賣架, 價錢大概百幾蚊啦, 視乎大小

4. 淘寶 – 淘寶既出現真係造福人群呀! 你想要咩有咩….不過! 運送係一大困難, 誰能擔保運送途中不會整爛? Touchwood 整爛左又係邊個負責呢? 太大風險了

5. E&M 開倉 – E&M 相信大家都略有所聞吧, 不過開倉日期不定, 如果婚期唔係撞正開倉就無辦法了~每次開倉都好多人, 買唔買到平靚正既野就要睇閣下運氣了

以上幾個方法有平有貴, 不過都有一個共同次處: 用完既candy jar結婚後如何處理它們呢? 大家既蝸居應該較難容納呢!其實宜家有好多人都會將用完既candy jar出租,價錢都係幾百蚊, 用完唔駛諗放喺邊, 係一個不錯既選擇呢!

唉~~~我就係一早買晒D candy jar, 之後先發覺原來租係咁方便! 因為只是用一天, 真係無必要買返黎阻定呢~

為左唔好浪費, 我也將我寶貝既candy jar 租出去, 回饋比各靚靚新娘子!!有興趣可以留言問下我=)

Next step: how to decorate?

好啦, 有齊大小樽仔後, 該如何佈置呢?

KEY POINTS!!

1. 一致性: 糖果顏色, 糖果種類, 不是愈多愈好!點到即止就夠架啦~最緊要係一致性, 首先要決定你既wedding theme, 之後當然去買糖果啦!糖果最好按顏色分佈，歸類。Candy corner 不一定只放candy,也可以加入一D 非糖果類既食物 !

2. 點綴性: 想將Candy Corner 做得更好，唔可以只著眼喺candy jar同candy上，檯布、花球、candy jar tag、糖果、candle、Candy Jar都是組成Candy Corner 既重要元素.

3. 高高低低: candy jar 要高高低低先最搶眼, 因為可以營造視覺上的效果. 唔好忘記，Candy Corner 其實除左比賓客食D小食, 仲係一個好好既影相位呢。

睇到呢度, 各位B2B應該會有D概念啦掛? 其實唔識唔緊要, candy corner 起源於外國, 所以外國有好多網站都有好多candy corner 既圖片參考, 你要咩色都有架!仲有好多 free diy printable, 例如好靚既 candy jar tag, 唔駛錢就可以print 出黎用架!有機會我再同大家分享啦~

2013年4月4日星期四